17. ágúst 2015

... það var í ágúst að áliðnum slætti ...

Það líður á sumar, fyrsta sumar hinnar nýju sýningar Landbúnaðarsafnsins í Halldórsfjósi.  Anna Heiða Baldursdóttir sagnfræðingur frá Múlakoti hefur tekið á móti gestum safnsins seinni hluta sumarsins og farist það vel úr hendi.

 

 

Fyrsta reynsla af sýningunni á "nýja" staðnum er góð. Sýningin fær afar lofsamleg ummæli - einkum þykir gestum efni sýningarinnar falla vel að hinu virðulega nær 90 ára fjósi. Það er líkt og fjósið hefi beðið eftir þessum söguríku safngripum.

 

Breytingar verður á opnunartíma Ullarsels og safns um næstu mánaðamót.

 

Í síðustu viku kom stjórn Bændasamtaka Íslands í heimsókn. Í gær komu 25 sauðfjárbændur frá Oppdal, skoðuðu safnið og fræddust um íslenskan landbúnað að fornu og nýju og fleiri erlendir hópar hafa kíkt við; bandarískir, þýskir, hollenskir, já og vestfirskir skógarbændur litu við á dögunum...

 

Þannig hefur verið nóg að snúast.  Þegar hafa allmargir og stórir hópar boðað komu sína í safnið á næstu vikum, innlendir og erlendir.

 

Við merkjum því glögglega hinn aukna ferðamannastraum.

 

Og svo má geta þess að á miðju sumri skrapp áskrifendafjöldi þessarar síðu yfir 900, er nú 909.  Ef til vill náum við þúsundasta lesandanum áður en árinu lýkur?