Landbúnaðarsafn Íslands

3 vikur síðan

🙏Nærri vika liðin frá vel heppnaðri Hvanneyrarhátíð. Rúmlega tvö þúsund manns sóttu staðinn heim í bongóblíðu. Landbúnaðarsafnið er stolt af helginni og þakkar þeim sem heimsóttu okkur og þeim sem gerðu þennan dag eins frábæran og raunin var. Þar er ekki á neinn hallað þó Fergusonfélagar séu sérstaklega nefndir í því tilliti. Takk fyrir frábæra hátíð og við hlökkum til þeirrar næstu 🥳

Við viljum ljúka þessari færslu á orðum Bjarna Guðmundssonar um Hvanneyrarhátíð:

. . . upplifði Hvanneyrarhátíð í einmuna veðurblíðu gærdagsins. Hátíðin dró að sér mikinn fjölda góðra gesta sem undu glaðir og slakir við aðdráttaratriði af mörgu slagi, ekki síst það að hitta mann og annan. Hátíðin hefur haldið sínu yfirbragði frá upphafi þessa forms að vera mannamót óformlegheita þar sem Landbúnaðarsafnið (áður Búvélasafn) er grunnurinn, sem spunnið hefur verið í kringum af vaxandi fjölda ýmissa tengdra aðila. Ekki síst má þar nefna Fergusonfélagið og öfluga liðsmenn þess sem lagt hafa safninu lið með stórvirkum og raunar einstökum hætti. Ég vona að ég móðgi engan þótt ég nefni þá sérstaklega - svo mikið og þakkarvert er framlag þeirra til þeirrar menningarvarðveislu, -fræðslu og -afþreyingar sem Landbúnaðarsafn hefur að hlutverki. ... Sjá meiraSjá minna

+